ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានដឹកនាំប្រតិភូនៃរាជរដ្ឋាភិបាលកម្ពុជាឆ្ពោះទៅប្រទេសម៉ាឡេស៊ី នៅព្រឹកថ្ងៃទី២៧ ខែកុម្ភៈឆ្នាំ២០២៤នេះ។

ជើងយន្តហោះពិសេសនៃរាជរដ្ឋាភិបាលកម្ពុជាបានចាកចេញពីព្រលានយន្តហោះអន្តរជាតិភ្នំពេញ នៅម៉ោងប្រមាណ ៦និង៤០នាទីព្រឹក។

អមដំណើរសម្ដេចធិបតីរួមមានអនុប្រធានទី១ ក្រុមប្រឹក្សាអភិវឌ្ឍន៍កម្ពុជា ឧបនាយករដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងការបរទេស ឧបនាយករដ្ឋមន្ត្រី សុខ ចិន្តាសោភា រួមទាំងទេសរដ្ឋមន្ត្រីរដ្ឋមន្ត្រីមួយចំនួន និងតំណាងអ្នករកស៉ីនៅកម្ពុជាផងដែរ។

នៅក្នុងដំណើរទស្សនកិច្ចនោះសម្ដេចនាយករដ្ឋមន្ត្រីនិងចូលថ្វាយបង្គំគាល់ព្រះមហាក្សត្រនៃប្រទេសម៉ាឡេស៊ី ជួបពិភាក្សាការងារជាមួយនឹងប្រធានព្រឹទ្ធសភានិងរដ្ឋសភា ក៏ដូចជាជួបពិភាក្សាការងារពីទំនាក់ទំនងប្រទេសទាំងពីរជាមួយនឹងនាយករដ្ឋមន្ត្រីនៃប្រទេសនេះផងដែរ។

សម្ដេចធិបតីក៏នឹងចូលរួមវេទិកាធុរកិច្ចកម្ពុជាម៉ាឡេស៊ីរួមទាំងជាអធិបតីនៃការចុះ MOU មួយចំនួនរវាងភាគីទាំងពីរ។

សម្ដេចនឹងដឹកនាំប្រតិភូរាជរដ្ឋាភិបាលកម្ពុជាត្រឡប់មកមាតុវិញនៅល្ងាចថ្ងៃដដែលទី២៧ ខែកុម្ភៈ ឆ្នាំ២០២៤៕